Screen Refresh Rate kya hoti he? Jyada screen refresh rate ke kya fayde aur nuksan he?


Screen-refresh-rate-kya-hoti-he

        LCD, AMOLED, OLED, Gorilla Glass, Notch aur curved ye sb toh aap kafi dino se sunte aa rhe he, aapne in sbhi cheejo ko acche se dekh bhi liya hoga aur aap in sbhi ke bare me acche se jante bhi honge. LCD, AMOLED, OLED ye sb display panels he, Gorilla Glass protection he aur notch and curved display ke style he. Lekin aapne market me dekha hoga ki aajkl display ke liye ek aur term chal chuki he vo he 90Hz. Toh 90Hz he kya? So ye janne ke liye mein apko is article me btaunga ki 90Hz kya technology he aur iske kya fayde he aur 90Hz display krta kya he?So let's get started!!
       90Hz ke bare me janne se pehle jan lete he ki display me "Hz" ka mtlab kya hota he? Jo bhi visual aap aapke phone me dekh rhe ho ose waha tak pahuchne ke liye kai sari process ke through gujarna hota he, jisme se ek process he "render", render mtlab kisi bhi visual ya frame ko kisi dusre format me convert krna render hota he. Aur vahi agar mein baat kru "Hz" ki toh ye ek unit he jisme calculate kiya jata he ki ek second me kitne frames entre hote he ya render hote he. Jese 90Hz screen refresh rate wale smartphone me visual ko ek second me 90 bar render kiya jata he.
        Vaise aajkl kuch aur bhi smartphone aa chuke he jinme 120Hz refresh rate milti he, toh in smartphone me visual ek second me 120 bar render hota he.

90Hz Screen Refresh Rate ke kya fayde he?

Ab aap soch rhe honge ki 90Hz screen refresh rate ka kya fayda he? Toh aapko bta du ki jo bhi visual aap screen pe dekh rhe he vo frame wise aapki screen tk ate he yani agr us frame ki refresh rate ki speed jyada hogi toh graphics aapko jyada smooth dikhai denge, kehne ka matlb jyada screen refresh rate hone ki vjeh se display jyada smooth hota he aur animations lag nhi hoti he aur screen pe scrolling krna bhi better hota he. Lekin yha mein aapko ek bat bta du jb aap jyada refresh rate wale phone me video dekhte ho toh aapko jyada screen refresh rate ki ahmiyat nhi pta chalti lekin jb aap phone me heavy graphic game khelenge toh aapko pta chalega ki phone me jyada refresh rate hone ka kya fayda he.

90Hz refresh rate ke kya nuksan he?

90 Hz screen refresh rate abhi itna wide nhi hua he, abhi ye jyada devices me nhi ata he, isliye ise support krne wale jyada games available nhi he. Even most popular mobile games PUBG mobile aur COD Mobile(Call Of Duty) bhi 90Hz ki refresh rate ko support nhi krte he toh jab aap 90Hz wale phone me ye games khelte ho toh ye normal 60Hz ki screen refresh rate pr play hote he.

High refresh rate ke sath aane wale Phones

2019 me OnePlus ne 7Pro ke sath 90Hz screen refresh rate wale phones ki shuruat ki thi iske baad company ne OnePlus 7T aur 7T Pro me bhi 90Hz refresh ka support diya.

High-refresh-rate-wale-phones

    Asus ne toh trend hi change kr diya jb usne ROG Phone 2 me 120 Hz ki refresh rate diya. Realme ke bhi recently aye phone X2 me bhi 90Hz screen refresh rate milti hi. Aur POCO X2 me bhi 120Hz ki hi refresh rate milti he. Sath hi sath Oppo aur Vivo ke bhi kuch phone apko future me 90Hz refresh rate ke sath mil jayenge.

 High refresh rate display wale Phones ka kya future hoga?

Dosto ab bari aa gyi he future ki bat krne ki, kesa hoga 90Hz display wale phones ka future? Kya vo tik payenge is competition wale smartphone market me? 
     Aaj 90Hz refresh rate wale smartphones bahut hi kum he market me lekin jaise ki aap sbhi log jante hi ho ki gaming ki demand abhi kafi bd chuki he, aajkal log kum budget wale phones me bhi behtreen gaming experience chahte he (age lines kuch deep thinking wali he toh thoda dhyan se pdna) aur kyuki jb demand bdti he toh supply bhi bdti he aur supply bdane ke liye production bdani pdti he aur production bdegi toh obvious si bat he price bhi kum hogi. 
    Toh mein keh skta hu ki aane wale ek saal ke ander aapko 90Hz refresh rate wale phones kum budget me milenge.
   I hope ab aap 90Hz screen refresh rate ka matlb smjh gye honge. Toh agr ab apka koi friend bole ki uske pas 90Hz refresh rate wala smartphone he toh aap uske samne thoda sa impression jma skte ho.
     


Post a Comment

Previous Post Next Post